Испечати

Банана-чоко сладолед

Банана-чоко сладолед

Состојки

  • 90 гр. мусли со банана и чоколадо
  • 200 гр. кисела павлака 20 %
  • 1 кесичка (18 гр) инстант кафе (3 во 1) со вкус на банана и чоколадо
  • 2 лажици кафеав шеќер
  • 200 гр. кисела павлака 20 %
  • 1 кесичка шлаг пена
  • 125 мл. кондензирано млеко 7,5 %
  • 3 банани (зрели)
  • 2 лажици кафеав шеќер
  • 2-3 лажици чоколадни украсни трошки

Подготовка

За љубителите на сладолед со вкус на банана и чоколадо, еве една таква извонредно вкусна комбинација на крцкав сладолед од овие два вкусови.
Идејата за ваков сладолед ја добив од мојата постара ќерка Теа која е обожавател на муслите со вкус на банана и чоколадо, а комбинацијата со инстант прашокот со истиот вкус, го направи сладоледот да биде уште повкусен.

1. Најпрвин муслите се мешаат со киселата павлака и се оставаат околу половина час убаво да омекнат. Доколку не сакате сладоледот да биде крцкав, муслите во блендер иситнете ги и измешајте ги со павлаката, така што времето за да омекнат ќе биде помало.

2. Во другите 200 гр. кисела павлака, измешајте го инстант прашокот и кафеавиот шеќер додека сето убаво се стопи.

3. Шлаг пената изматете ја млекото се до добивање на шлаг (по можност подобро е да се користи кондензирано млеко, бидејќи се намалува кристализираната текстура воопшто на сите сладоледи).

4. Соединете ги преходниве смеси и измешајте ги со миксер.

5. На крај со вилушка испасирајте ги бананите, додадете ги во претходната смеса и со миксер убаво изедначете. Во сад истурете половина крем, посипете со чоколадни трошки, истурете го останатиот крем и пак посипете со чоколадни трошки. Ставете го садот во ладилник најмалку 5-6 часа и сладете се.

Наместо инстант кафе, за најмладите може да се стави какао инстант напиток.

Украсете со чоколадни капки или трошки, крем бананчиња или друго според вкусот.