Вкусни залаци со свежи пиперки
![Вкусни залаци со свежи пиперки](https://moirecepti.mk/content/uploads/2015/06/1-084eb5-300x300.jpg)
Состојки
- 4 зелени пиперки
- 200 гр. изварка или бело сирење
- 50 гр. чајна салама
- 3 лажици кисела павлака
- 1/4 лажичка куркума
- 1 лажица маслиново масло
- 1 лажица путер
- 1/4 лажичка оригано
- 1 мала киска магдонос
- 2-3 кришки ситно исечкана зелена пиперка
- малку црвен пипер, малку мешан сув зачин
Подготовка
Едноставно, брзо и лесно ладно предјадење кое во зависност од состојките што ги имате и сакате, може да се изведе онака како што милувате.
~ Се одбираат прави пиперки за полесно полнење со филот, се мијат, се чистат од дршките, семето и жилите.
Фил
~ Изварката (или сирењето), се меша со вилушка со киселата павлака, маслиновото масло и путерот (кој е на собна температура) и сите останати состојки, додека сето добро се изедначи.
Спремните пиперки се полнат со филот, се оставаат 15-тина минути во фрижидер да се изладат, се сечат на кришки и се декорираат со свеж домат, марула, крставица или друго по желба.
Ем ладно, ем свежо.