Брускети со песто од пиперки (посно, веган)
Состојки
- 600 гр црвени пиперки
- 100 гр мелени ореви
- 120 гр тофу сирење
- 2 чешниња лук
- 15-на листови босилек
- 30 мл маслиново масло
- по вкус сол
- 1 багет или леб по избор
Подготовка
Пиперките испечете ги, оставете ги да оладат и потоа излупете ги. Оставете ги да се исцедат од вишокот течност. Ставете ги во блендер.
Додадете ги и останатите состојки- тофу сирењето малку издробено, мелените бадеми, лукчето, босилекот, маслото и сол по вкус. Изблендирајте ги да се добие изедначена мазна смеса.
Добиеното песто - намаз оставете го фрижидер убаво да се разлади и да се спојат вкусовите.
Пред служење багетот или лебот кој сте го избрале исечете го на помали парчиња, попрскајте ги со маслиново масло и запечете ги на тостер или грил тава. Потоа со лажиче нанесете од пестото, посипете го малку со мелени бадеми и украсете ги со ливчиња босилек или магдонос.