3 вида на хумус
Состојки
- 200гр наут
- 3 лажици таан
- 1 главица лук(или лук во прав)
- 4 лажици маслиново масло
- 1 лимон (сок)
- плус
- пола авокадо
- 50гр крем сирење
- свеж босилек
Подготовка
Наутот се кисни преку ноќ. Наредниот ден се става на оган да се вари заедно со пола лажичка сода бикарбона. На тој начин ќе се намали времето на варење на наутот.
Откако ќе се свари наутот се цеди и се става во блендер заедно со лукот, солта, маслото, лимонот, таанот и се блендира. Доколку е сува смесата се додава ладна вода (ладната вода ќе го осветли хумусот)
Добиениот мазен хумус се дели на 3 дела.
Едниот се блендира со сенф и пола авокадо и свежиот босилек, другиот со крем сирењето, а третиот дел си останува каков што си е. Се служи ладен, а над него се додава ладно цедено маслиново масло.