Видео рецепт: Тирамису тoрта од палачинки
Состојки
- Ќе ви треба (12-15 палачинки):
- 2 јајца
- 250 мл. кисела вода
- 125 мл. обична вода
- 125 мл. млеко
- 300 мл. брашно (доколку е потребно се додава дополнително 50 - 80 гр)
- 2 лажици ванила екстракт
- прстофат сол
- 1 лажица шеќер
- 2 лажици масло за јадење
- За ТИРАМИСУ крем ќе ви треба:
- 4 белки и 4 жолчки одделно
- 4 + 4 лажици шеќер во прав
- 1 доза рум
- 500 гр. маскарпоне
- какао за наросување
Фичо ќе направи интересна торта, прекрасна комбинација од два најпопуларни десерти – палачинки и Тирамису.
Подготовка
Чекор 1: Изматете ги состојките за палачинки и испечете 15 палачинки.
Чекор 2: Жолчките ставете ги на пареа со 4 лажици шеќер во прав и румот. Со жица матете ги додека не добиете крем и оставете го да се олади.
Чекор 3: Додека се лади кремот од жолчки изматете ги белките со 4 лажици шеќер во прав. Матете додека да добиете убав снег.
Чекор 4: Маскарпоне кремот соединете го со кремот од жолчки и матете додека да добиете хомогена смеса. Потоа додадете ги изматените белки и мешајте со шпатула да се соединат убаво.
Чекор 5: Палачинките филувајте ги една по една, наросете какао на последната и оставете ги во фрижидер околу 5 часа.
Чекор 6: Сервирајте!
СОВЕТ: За комплетен Тирамису вкус, може да додадете малку кафе во филот, тестото за палачинки, или пак да ја наросите тортата со кафе.