Намаз од сирење
Состојки
- 250 гр бело сирење
- 200 мл јогурт
- 2 големи лажици пармезан
- по вкус магдонос
- 6 маслинки
- 2-3 чешниња лук
- по желба сол и бибер
Подготовка
Намаз или крем салата која може слободно да си ја комбинирате со некое пециво како ние во случајов со варените переци или како мезе со некој добар жесток пијалок. Се спрема за неколку минути во блендер или сецко, а ако нема може да искористите и обичен миксер
Сите состојки ставете ги во блендер или сецко и убаво измиксирајте. Одлучете по вкус дали треба да додадете сол зависно од тоа колку е солено сирењето што сте го одбрале и толку. Спремно е за дегустирање. Доколку сакате може да ставите и малку потпечен сусам (јас овој пат немав) за уживањето да е уште поголемо..