Лесна пишкота торта
Состојки
- 1 паковање пишкоти (дупло)
- фил
- 250 гр маргарин
- 2 лажици шеќер во прав
- 100 гр чоколадо за готвење
- 4 јајца
- 200 гр шеќер
- 6 сецкани крем бананчиња
- 100 гр сецкани ореви
- за натопување на пишкотите
- 100 мл млако млеко
- 1 лажица рум
- за декорирање
- 1 кесичка шлаг крем
- 100 мл ладно млеко
- околу 20 гр сецкани ореви
Подготовка
1. Во длабок сад пенесто изматете го маргаринот со шеќерот во прав, додадете го претходно растопеното и изладено чоколадо и четири жолчки. Матете со миксерот, додека смесата се изедначи.
2. Во друг сад изматете четири белки со 200 гр шеќер и додадете ги во претходната смеса. Полека промешајте и додадете ги сецканите ореви и сецканите крем бананчиња.
3. Во длабок сад ( јас користев сад со дијаметар од 18 см) ставете фолија т.е. обложете ја внатрешната страна и редете ги пишкотите на дното и исправени странично, претходно натопени во млакото млеко со рум.
4. Средината во садот потполнете ја со претходно подготвениот фил и одозгора наредете пишкоти. Оставете ја во фрижидер да се стегне, најдобро е преку цела ноќ.
5. Потоа внимателно превртете ја тортата на плиток сад, одстранете ја фолијата и декорирајте со шлаг крем и сецкани ореви.