Кифли чворови од ржано и бело брашно
Состојки
- 1 коцка свеж квасец
- 1 лажица полна шеќер
- 1 лажиче сол
- 200мл млеко
- 100мл јогурт
- 100мл кисела вода
- 1 јајце
- 6 лажици маслиново масло
- 250гр ржано брашно
- 420-480гр бело брашно
- 1 јајце за премачкување
- 30гр маргарин
- 30гр сусам
Подготовка
Декоративни, меки, вкусни кифли
Најпрво во топлото млеко се ставаат шеќерот, квасецот и малку бело брашно за да се активира квасецот.
Потоа постепено се додаваат јогуртот, киселата вода, јајцето, сол, маслото.
Се става ржаното брашно, па се додава бело брашно.
Се замесува средно тесто кое не треба да лепи на рацете.
Се покрива со крпа и нека кисни 30 минути.
Потоа се дели на 50 мали топчиња.
Секое топче се расукува во мала коричка. По должината на коричката се прават 5-6 засеци со нож, но не до крај.
Почнува да се витка долга форма, дијагонално (како на сликата).
Потоа се витка чвор.
Се редат во плех за печење, се премачкуваат со изматено јајце. Им се ства по многу малку марграин, сусам. Киснат 20 минути и се печат на 200 степени околу 25 минути.
На здравје.