Испечати

Свински шницли во сос

Свински шницли во сос

Состојки

  • 1,2 кг свинска удина
  • 3 големи главици кромид
  • 1-2 морков
  • 1 коцка за супа
  • по вкус сол и зачини (предлог- црн бибер, мајоран, енибар, куркума, сумак)
  • 2 ловорови ливчиња
  • 1 чаша суво бело вино
  • 2-3 чаши вода
  • 1 полна лажица прашок од крем супа од печурки со маслиново масло

Подготовка

Исечете го месото на шницли со дебелина од околу 1 см.
Во широка и длабока тава ставете малку маслиново масло и испржете го месото од двете страни.
Извадете го на страна и во истата мрснотија ставете го кромидот покрупно исецкан да се пржи со половина чаша вода. Морковот исецкајте го на ситни тркалца и ставете го да се пржи заедно со кромидот. Откако ќе стани стаклест, посолете и додадете ги зачините. Налејте го виното и водата и кога ќе затоплат издробете ја коцката за супа. Вратете го месото повторно во садот и додадете ги ловоровите ливчиња. Оставете да крчка на умерена температура со полупокриен капак се додека не згусни течноста и месото убаво омекни. Доколку ви е брза температурата, додадете уште малку вода, па приварете.
Тргнете го месото на страна. Прашокот за супа растворете го во половина чаша вода и додадете го во јадењето. Нека крчка додека се згусти сосот.

Јадењето послужете го со варен или печен компир и некоја свежа салата.