Диетален доручек
Состојки
- 200 гр ржано брашно ( +50 гр )
- половина чаша јогурт
- половина чаша кисела вода
- 1 мало лажиче сол
- 2 рамни лажички пециво
- 2 големи лажици маслиново масло
- за полнење на лепињите
- неколку листови марула
- по желба сувомеснато
- 2 тврдо варени јајца
- сенф или некој намаз по желба
- *чашата што ја користев за мерка е 150 мл
Подготовка
Од пред некое време се ставив на режим на исхрана па еве предлог нискокалоричен доручек за сите диеталки. Ржаново брашно е феноменало, а лепињиве само ми го потврдија впечатокот. Се припремаат многу брзо, зошто не им треба стасување на тестото, а може да си ги комбинирате со што сакате.
1. Во сад за месење ставете го брашното. Додајте сол, масло и пециво. Јогуртот промешајте го со киселата вода и замесете тесто. Мене ми испадна мек,о па додавав уште малку брашно за да може убаво да ги обликувам лепињите. Поделете го тестото на 4 дела и од секој дел формирајте лепиња. ставете ги во тава за печење и печете на 180-200 степени 15-20 мин.
3. Кога се готови оставете ги малку во влажна крпа да омекнат. Изберете си полнеж по желба и направете сендвичи. Јас овој пат ставив марула парченца печеница и варени јајца. Искористете некој домашно подготвен намаз или само обичен сенф за подлога на лепињите.
Добар апетит