Испечати

Кикирики путер мафини

Кикирики путер мафини

Состојки

  • 2 јајца
  • 2 лажици кафеав шеќер
  • 3 лажици путер од кикирики
  • 150 мл. млеко
  • 8 лажици брашно
  • 3 лажички прашок за пециво
  • 1 ванила
  • 50 гр. стопен маргарин или путер
  • 18 млечни карамели
  • 50 гр. чоколадо (црно)
  • хартиени корпиња за мафини, малку масло за премачкување на хартиените корпиња, сечкани кикирики

Подготовка

Бидејќи кикириките и чоколадото добро се сложуваат, а ако се додадат и карамели се добива екстра интересен вкус кој го вклопив во мафини.
Деца задоволни, парчиња за најаска.

~ Подготовка ~
Путерот од кикирики се прави исто како во мојот рецепт
Јајцата се матат со кафеавиот шеќер и ванилиниот шеќер, се додава путерот од кикирики, млекото, брашното измешано со пецивото и на крај подизладениот растопен маргарин или путер.

Хартиените корпиња се премачкуваат со масло, се ставаат во калапот за мафини и се полнат 1/3 со смесата.
Во секој мафин се става по една млечна карамела, а врз неа 1/2 коцка чоколадо.
Се печи на 200 степени 15 - 20 минути. Се украсува со чоколадо, сечкани кикирики или по желба. Од оваа смеса излегоа 18 големи мафини. Пробајте!