Интегрални макарони со печурки и спанаќ
Состојки
- 250гр. интегрални макарони
- 15 свежи шампињони
- 250гр. спанаќ
- 6 лажици доматна салса
- 3 чешниња лук
- по потреба масло, сол
Подготовка
Ставете ги макароните да се варат во поголема количина солена зовриена вода.
Во тава на оган ставете масло и додајте ги печурките.
Пржете додека испари водата која ја пуштаат, па додајте го исцепканиот спанаќ и сецканото лукче.
Откако спанаќот ќе омекне додајте ја доматната салса и малку сол.
На крај додајте ги сварените макарони, измешајте и послужете.