Потполошкини јајца во месно руво
Состојки
- 500 гр мелено месо
- 1 мала главица кромид
- 1 морков
- 2 жолчки
- 1 лажица мешан сув зачин
- 1 чајно лажиче гарам масала
- 1 чајно лажиче оригано
- 20 варени јајца од потполошка
Подготовка
На ситното, изреднадјте го кромидот и морковот и додадете ги во меленото месо. Додадете ги жолчките и зачините и убаво измешајте/измесете.
Јајцата излупете ги пред време и оставете ги да се исушат или пак избришете ги со хартиена салфетка.
Земајте од смесата делче малку поголемо од јајцата. Расплескаjте го и во него ставете по едно потполошкино јајце, па убаво од сите страни замотајте го.
Во мал сад ставете брашно и секое обложено јајце со месо извалкајте го во него.
Пржете ги во загреано длабоко масло на умерена температура од сите страни, па одложете ги на хартиена салфета да се исцеди мрснотијата одозгора.
Сервирајте како мезе со сецкани краставици, моркови и кисела павлака. И секако, ако имате листови зелена салата ; )