Посни полнети лепињи (без масло)
Состојки
- 500гр. брашно
- 1 лажичка мед или шеќер
- 1/2 лажичка сол
- 2,1/2 лажички сув квасец
- 250мл. млака вода
- фил
- 2 поголеми компири
- 2 млади кромитчиња
- 200гр. печурки
- 1 црвена пиперка
- 3 зелени маслинко
- малку буковец,оригано,магдонос,сол и бибер
Подготовка
Идеален доручек или вечера во деновите на пост топло ви ги препорачувам.
Подготовка.
Во мал дел од млаката вода го ставаме квасецот, лажичка брашно и шеќерот оставаме кратко да запени. Во брашното го сипуваме квасецот ја додаваме солта и замесуваме средно меко тесто кое го оставаме еден час да стасува.
Во меѓувреме ги вариме компирите пасираме и во нив ги мешаме ситно сецканите печурки, маслинки, пиперката и младото кромидче.
Откако тестото ќе стаса почнуваме со формирање на лепињите. Расукуваме едно топче кое го премачкуваме со филот затвараме со второ расукано топче и притискаме со прстите по краевите да се залепи. Формираните лепињи ги ставаме во плех со брашно секоја лепиња со прсти ја притискаме и печеме во загреана рерна на 200степени околу половина час. После печењето покријте ги да омекнат и оладат убаво.
Добар апетит!!!