Зеленчукова крем супа со печурки и млад лук
Состојки
- 1 главица кромид
- 1 среден компир
- 2 средни моркови
- 1 тиквица
- по желба дршки од брокула
- 1/4 корен од целер
- 1/4 корен пашканат
- 2 ливчиња ловоров лист
- 1 био коцка за супа
- 1 лажица био зачин
- 200 г свежи шампињони
- 2 стебленца млад лук
- 1 лажиче куркума
- по желба сол, бибер и масло
Подготовка
Сите зеленчуци исечете ги на крупни парчиња и ставете го да се вари, заедно со ловоровиот лист,коцката за супа и зачинот. Откако зеленчукот ќе омекне извадете го ловоровиот лист и заедно со течноста ставете го во блендер и изблендирајте го. Доколку не ви е солено додадете уште сол. Шампињоните исечкајте ги и запржете ги малку на масло заедно со младиот лук претходно исечен на ситно. Зачинете ги и истурете ги во крем супата. Додадете куркума и бибер и послужете ја супата топла како предјадење. Добар апетит!