Ружа мафини со сирење и коприва
Состојки
- 180 мл млако млеко
- 30гр свеж кавасец
- 1 јајце
- 1 лажица шеќер
- 1 лажиче сол
- 2лажици ладно цедено маслиново масло
- 1/2 лажиче оригано
- 350гр брашно
- фил
- 150 гр дробено бело сирење
- 1 рака коприва
- 1лажица маслиново масло
Подготовка
Многу декоративно и вкусно пециво.
Јас ја користев последната коприва од замрзнувач, а вие до колку немате може да се користи спанаќ, блитва, бланширани и исцедени од вишок на вода.
Во вангличка се ставаат прво млекото, квасецот, шеќерот и малку брашно.
Убаво се промешува, па се додаваат маслиновото масло, јајцето,ориганото солта и брашното.
Се замесува средно тесто и се остава на топло 30 минути.
Потоа тестото се дели на 2 дела, се сучат 2 корички.
Едната кора се премачкува со 1 лажица маслиново маслчо и се поклопува со другата кора.
сега се сучи една поголема кора на која се нанесуваат сирењето и копривата.
Се витка ролат.Ролатот се сече на 12 еднакви парчиња.
Се ставаат во калап за мафини, кој претходно со четка е премачкан со масло, со пресечената страна на горе.
Киснат 20 минути и по желба се премачкуваат со изматено јајце, се наросува сусам и се печат на 190 степени околу 25 минути.