Брз колач од гриз
Состојки
- 2 кутии пишкоти
- 1л млеко
- 10 лажици шеќер
- 1 пудинг од ванила
- 100гр бела чоколада за готвење
- маџун или некој друг прелив
- 100гр гриз
Подготовка
Пишкотите ги добив од Лиле и морав да ги искористам и прилагодам кон овој рецепт затоа што беа позз за внукичката.
Од млекото се двои околу 200мл за потопување на пишкотите. Другото млеко заедно со шеќерот се става да зоврие. Кон зовриеното млеко се додава гризот и прашакот за пудинг и се вари крем. Во обложен калап се ставаат пишкотите-по дното и по страните. Се истура врз нив млакиот крем и се покрива со еден ред пишкоти.
Колачот се остава 2-3 часа во фрижидер да се стегне, а потоа се сече на парчиња и се прелива со прелив по желба а и не мора. Јас го преливав со маџун. Брз и едноставен рецепт наменет за сите возрасти.