Германска супа од грашак
Состојки
- 500гр. сув грашак
- 400гр. сланина
- 1 ловоров лист
- 1 лажичка сув мајоран
- 1 главица кромид
- 1 гранка праз (само светлиот дел)
- 2 моркови
- 1 парче корен од целер (околу 100 гр.)
- 500гр. компири
- 6-8 виршли
- сол, бибер по вкус
- 1 китка магдонос
Подготовка
Рецепт од традиционалната германска кујна. Вкусна и богата супа.
Подготовка
Грашакот измијте го убаво и ставете го во едно поголемо тенџере. Налијте 2 1/2л. вода, поклопете со капакот и оставете го преку ноќ да отстои.
Наредниот ден ставете да се вари на умерена температура во истата вода во која стоеше преку ноќ. Ставете го целото парче сланина, ловоровиот лист и мајоранот. Зеленчукот исечкајте го и него ставете го (освен компирите) во тенџерето да се вари. Поклопете со капак и нека се вари околу час и половина.
Додадете ги компирите и оставете да се вари уште половина час. Извадете го парчето сланина, отстранете ја дебелата кожа и исечкајте на мали коцки па вратете ја назад во тенџерето. Доколку сметате дека супата е густа додадете малку вода и оставете да зоврие. Виршлите исечкајте ги на покрупни парчиња и нив додадете ги во супата. Исклучете ја ринглата но оставете го тенџерето на неа, посолете и побиберете по вкус и на крај додадете го исечканиот магдонос.
Откако ќе ги ставам виршлите јас ја исклучувам ринглата за виршлите да не испукаат при вриењето. Супата е врела па тие и на исклучена рингла ќе се сварат а и нема да испукаат.
Оваа супа во германската кујна е попоуларна исто како гравчето во македонската кујна. Вреди да се проба...
Добар апетит! ))