Испечати

Видео рецепт: Домашно Пиде со месо

Видео рецепт: Домашно Пиде со месо

Состојки

  • За ТЕСТО ќе ви треба:
  • 500 гр. брашно
  • 1/2 лажичка сол
  • 100 мл. млака вода
  • 20 гр. свеж квасец
  • 200 мл. млако млеко
  • Ќе ви треба и:
  • 500 гр. мелено телешко месо од плешка
  • 1 лажичка кари
  • 1 лажичка кумин
  • 1 лажичка црвен пипер
  • прстофат сол (голем)
  • 1/2 лажичка бибер
  • 1 лажичка сув сенф
  • 2 зелени пиперки
  • 1 голем кромид
  • 2 чешниња лук
  • 2 свежи домати
  • 3 феферони

Фичо ќе ни покаже какој то подготвува Пиде, популарен турски рецепт.

Подготовка

Чекор 1: Брашното измешајте го со солта. Во млаката вода растворете го квасецот и додадете го млакото млеко. Убаво измешајте да се раствори квасецот. Квасецот водата и млекото сипете ги во сувите состојки и мешајте додека не почне да се соединува. Префрлете ја смесата на работната маса и месете. Оставете го да стаса 40 минути и потоа премесете го. За секое добро пециво, потребни се две стасувања.

Чекор 2: Додека стасува тестото, пригответе го месото. Меленото месо убаво зачинете го. Исечкајте го зеленчукот, измешајте го и ставете го да се запржи во Вок тавата.

Чекор 3: Тестото за Пиде поделете го на 5 топки. Секое топче да биде околу 140 грама. Секое топче е посебно Пиде. Расукајте го тестото и наредете го во Ростер тавата.

Чекор 4: Печете во загреана рерна на најсилно 6-8 минути, исто како за пица. Потоа сервирајте.

СОВЕТ: Ова е рецепт за Пиде со месо, а полнењето може да биде по ваш вкус .