Пица (без стасување)
Состојки
- Тесто за пицата
- 400 гр брашно бело
- 7 грама сув квасец
- 1 гол.лажица маслиново масло
- 1 мало лажиче сол
- 250 мл вода топла
- Фил на пицата
- 250 гр сос од домата,салца или 200 гр.пасирани домати
- 1 лажица суво оригано
- 1 лажица маслиново масло
- 200 гр пушена сланина
- 100 гр маслинки без семки
- 1 мало лажиче сув босилек
- 4 јајца
- 200 гр кашкавал
Подготовка
Го отворивме детскиот кувар и тргнавме во подготовка на неговите рецепти.
Изборот падна на прекрасната пица,која морам да кажам дека ја подготви мојата поголема ќерка.Значи, овде јас стојам само како сведок за прекрасно изведениот рецепт.
Ајде да го кажеме рецептот.
Брашното го сееме и го додаваме сувиот квасец.
Промешуваме па посолуваме.
Водата која е затоплена ја помешуваме со маслото и ја додаваме во брашното. Мешаме солажица додека не се спојат состојките. Го вадиме тестото на набрашнета маса. Полека го размесуваме убаво.
Делиме две топчиња од кои развлекуваме корички по мерка на тавата. Ја обликуваме и ја редиме со филот.
Стандардно, прво оди премазот а потоа останатите состојки. Се пече веднаш во затоплена рерна.
Забелешка
Сигурно забележавте дека тестото не го оставив да стаса. Тоа ќе си стаса онолку колку треба, во печењето.
На здравје