Месен ролат со куркума и семки
Состојки
- Прв дел
- 500 гр мешано мелено месо
- 1 кришка сув леб
- 1 лажица мешан сув зачин
- 1 лажица буковец
- 1 лажичка бибер
- 1/2 главица рендан кромид
- Втор дел
- 500 гр пилешки гради
- 1/2 главица рендан кромид
- 1/2 лажичка лук во прав
- 1 лажичка мешан сув зачин
- 1 лажица куркума
- 1/2 лажичка бибер
- 150 гр микс од семки (сончоглед, семки од тиква и сусам)
Подготовка
Овој декоративен ролат кој се подготвува многу брзо може да си го правите секојдневно или пак да ви послужи за некој повод.
За првиот дел лебот го разронуваме и го ставаме во месото. Ги додаваме зачините, ренданиот кромид, па убаво промешуваме и ја ставаме смесата во фрижидер.
За вториот дел ги мелеме пилешките гради на сечко и во нив ги ставаме зачините, ренданиот кромид и миксот од семки. Смесата убаво ја промешуваме да се соедини.
Помеѓу две најлонски фолии го ставаме мешаното мелено месо и со сукало го израмнуваме за да биде подеднакво насекаде, а формата да му биде правоаголна. Истото го правиме и со пилешкото месо кое потоа го префрламе над мешаното месо. Виткаме ролат, го ставаме во намрсена тава и го намрсуваме со 2-3 лажици масло.
Печеме на 180 степени околу 50 минути.
Забелешка
Мене ми излегуваат и вообичаено правам два ролата. Ги делам двете смеси на половина и формирам два ролати. Така ми е поедноставно, а и со оваа количина некако ми се поубави ролатите и така ми ги собира двата во тава.
Почекајте да се подизлади за да го сечете, ама и топол е убав за сечење, секако ми е пробано.
Во овие ролати не ставив јајца, а може и со јајца да се направат. Семките можете малку и да ги потпечете пред да ги измешате со месото, за да бидат покрцкави. Јас пак не го правам тоа за да ги задржат корисните состојки.