Ролат со туна (посно)
Состојки
- 1 обланда
- 2 конзерви туна
- 100 гр пченка
- 3 поголеми кисели краставички
- 2 лажици испржен сусам
- 100 гр маргарин
Подготовка
Еве ви еден рецепт кој може да го искористите за посните денови. Убав декоративен ролат кој што може да биде дел од вашата посна слава.
Обландата се става помеѓу две влажни крпи да омекне
Туната ја цедиме убаво од маснотијата, а киселите краставички ги сецкаме на мали коцки.
Пенесто го матиме маргаринот во длабок сад. Во него ја додаваме исцедената туна и матете со миксер. Го исклучуваме миксерот. Ги додаваме пченката, пржниот сусам и краставичките па зачинуваме. Мешаме со лажица. Со овој фил ја мачкаме омекнатата обланда и ја виткаме во ролат. Ролатот се затвара добро со целофан и се остава да отстои околу два часа да се стегне.
Можете да декорирате со кечап.
Сечете замрзнато.
На здравје