Бадниково гравче со фил од кромид
Состојки
- 500 гр грав
- 1 главица кромид
- 4-5 чешниња лук
- 100 мл масло за јадење
- 2 моркова
- 1 пиперка
- малку црн бибер
- 1-2 лажичиња сол
- 1-2 лажици мешан зачин
- 1 лажица црвен пипер
- по потреба вода
- 1-2 ловорови ливчиња
- За филот од кромид
- 5-6 главици кромид
- 50 мл масло за јадење
- 1/3 лажиче сол
- 1 лажиче мешан зачин
- малку сушено нане
Подготовка
1. Гравот отстојува преку ноќ во сад прелиен со вода (помалку за да биде тавче-гравче)
2. Следниот ден со целиот зеленчук се става да се вари и на крај се пасира зеленчукот и се зачинува и посолува
3. Се реди во тава земјена (јас го ставив во мали земјени тавички бидејќи сме четворица по дома па да има за секој по една Бадникова)
4. Кромидот за филот се сече на танки полумесечинки и се пржи да омекне во тава на малку масло за јадење
5. Откако ќе омекне кромидчето, се зачинува и се нанесува одозгора врз гравчето во тавичките
6. Се попрскува со малку мелено нане и се пече