Снежна торта орасница
Состојки
- За безе-кора (х 3)
- 10 белки
- 500 гр шеќер
- 1 ванила
- сок од пола лимон
- За фил од ореви
- 30 жолчки
- 900 гр шеќер во прав
- 900 гр мелени ореви
- 900 мл млеко
- 200 гр чоколадо
- 600-700 гр путер
- За декорација
- 700 мл слатка павлака
- 2 ванили
Подготовка
Во коментарите на претходните рецепти ветив дека СТОТИОТ РЕЦЕПТ ќе го чувам за роденденската торта на ќерка ми, па еве да си го исполнам ветувањето. А воедно ова е мојата омилена торта...за мене дефинитивно е БРОЈ 1
За корите
1. Белките се матат пенасто со миксер со шеќерот и ванилата и при крај се додава сокот од лимон. Се пече во плех од рерната врз хартија за печење прво на 200 С околу 10 мин, а потоа се намалува температурата на 150С и се пече уште околу 45 мин.
2. Се печат три вакви кори
За фил
1. Мелените ореви се попаруваат со врелото млеко и се остава да постојат да го впијат млекото оревите
2. Жолчките и шеќерот се матат со миксер и се варат на пареа. Откако ќе згусне филот, се трга од оган, се додава чоколадото да се растопи во врелата смеса и откако ќе се соедини се додаваат оревите и се меша да се соедини смесата.
3. Откако ќе излади се додава претходно матениот путер
Се филуваат безе-корите, а најозгора се премачкува тортата со шлаг пена или матена слатка павлака.