Посен празничен колач - икебана
Состојки
- За колачот
- 4 средни јаболка
- 1 чаша од 150 мл брашно
- 1 чаша шеќер
- 1 чаша гриз
- 1 неполна чаша масло
- 4 лажици мелени ореви
- 1 лажиче цимет
- 1лажиче сода бикарбона
- За декорација
- 100 мл растителна слатка павлака
- 3-4 киви
- малку црвено сушено овошје
- 1 лимон
- 1 бадем
Подготовка
Подготовка на колачот
Јаболката се лупат, се рендаат и се ставаат во сад. Се додаваат сите останати состојки и се мешаат со голема лажица да се изедначат. Смесата се става во куглов и се порамнува.
Се става да се пече во претходно загреана рерна на 180 степени околу 35 -40 минути.
Се остава да олади, се става превртен на чинија и се декорира.
Слатката павлака се мати во снег и се премачкува целиот колач.
Кивите се лупат и се сечат на тенки тркалца и се редат одозгора и странично. На еден дел одгоре со црвено овошје (јас употребив сушени црвени боровинки) се прави панделка и се реди на неколку места измеѓу кивите.
На средина од колачот се става лимонот исечен од долната и горната страна ( за да стои) а на средината еден бадем да изгледа како свеќа.
Ова беше мојот посен новогодишен десерт.