Флорентини
Состојки
- 30 гр путер
- 80 мл млеко
- 50 гр шеќер
- 2 лажици мед
- 100 гр бадем (мешано и ливчиња и цел, без лушпа)
- 100 гр мешано кандирано овошје
- 30 гр брашно
- 100 гр чоколадо
- 2 лажици масло
Подготовка
Рецептот го најдов на интернет и искрено ме воодушеви. Многу убави, интересни, декоративни колачиња, прави божикни, а лесни за правење.
На тивок оган ставете го путерот, млекото, шеќерот и медот. Цело време мешајте и кога ќе зоврие тргнете го од оганот.
Ставете ги бадемите и кандираното овошје, а потоа и брашното.
На плех покриен со хартија, ставајте по една голема лажица од смесата, малку израмнете ја. да се добие кружна форма.
Ставете ги да се печат во загреана рерна на 180 степени, додека не потемнат малку по рабовите.
Кога ќе се изладат, од долната страна премачкајте ги со чоколадото измешано со маслото, ако сакате бело, а може и црно. Кога чоколадото малку ќе се стегне, со вилушка направете брановидни шарки и оставете ги убаво да се здрви чоколадото.
Чувајте ги во фрижидер.