Капри колач
Состојки
- тесто
- 4 белки
- 4 лажици шеќер
- 2 лажици мелени ореви
- 2 лажици презла
- 1лажица брашно
- жолт крем
- 4 жолчки
- 3лажици шеќер
- 2лажици густин
- 220 мл млеко
- 70 гр путер
- црн крем
- 1 пудинг чоколаден
- 2лажици шеќер
- 300мл течност од компотот од вишни
- 70 гр путер
- 1 тегла компот од вишни
- 1 бел шлаг
Подготовка
Вкусна, лесна тортичка-колач
Прво се матат белките со шеќерот, па се додаваат оревите, презлата, брашното.
Убаво се промешува и се истура смесата во подмачкано средно по големина плехче.
Се печи на 200 степени.
Во мала касерола на тивко се ставаат да се варат жолчките, шеќерот, густинот и млекото до згуснување.
Се трга од оган па се додава путерот.
Овој жолт крем се нанесува врз испеченото тесто и убаво се израмнува.
Сега се спрема црниот крем.
Се цедат вишните од течноста и во таа течност( околу 300 мл) се додаваат пудингот и шеќерот и се вари до згуснување.
Му се додаваат уште 70 гр путер.
Сега врз жолтиот крем се ставаат исцедените вишни, па се нанесува црниот крем.
Цел колач се премачкува со изматена шлаг пена.
Толку е кремаст и лесен, што не успеавме доволно да го изладиме, па да го сечиме, бидејќи одма се изеде.