Суви колачи со афион и вкус на анис
Состојки
- 120 гр маргарин
- 80 гр шеќер во прав
- 1 јајце
- 170 гр брашно
- 1 лажица нишесте/густин
- 1/2 пак. прашок за пециво
- 60 гр афион
- малку екстракт од анис или некој друг по ваш вкус (не мора)
Подготовка
Од сите состојки измесете мазно тесто.
На побрашнета површина танко расукајте го и вадете форми по желба.
Наредете ги во плех обложен со пек партија и печете на 180С 10-12 мин. Внимавајте да останат бели.
Печените колачи, најпрво оставете ги малку да подизладат во плехот, а потоа вадете ги.
Јас ги лепев по две со мармалад од јаготки заради изборот и формата на калапчињата, но чинам дека поубави ми беа соло.