Посна растурена сарма
Состојки
- 1 зелка
- 1 страк праз
- 2 домати
- 200 гр ориз
Подготовка
Го чистиме празот и го сецкаме. Во тенџере на оган ставаме масло и го ставаме празот да се пржи. Откако ќе омекне ја додаваме исецканата зелка (свежа или од туршија) и два лупени и сецкани домати. Убаво се упржува сето тоа, па се додава оризот,се зачинува по желба и се пржи уште кратко. На крај се налева млака вода колку да ја покрие смесата, се префрла во плех бр. 30, се наросува црн пипер и се пече на 220 С, околу 45 минути, односно додека да испари водата.
Јас користев свежа зелка па затоа ставив домати, доколку користите зелка од туршија не мора домати.