Кокос коцки со бело чоколадо и мармалад
Состојки
- 200гр. кокос
- 100гр. бело млечно чоколадо
- 2 белки
- 100-150гр. мармалад од цреши
- 1 лажица масло
- прстофат сол
Подготовка
Чоколадото и маслото растопете ги на пареа.
Белките со прстофат сол изматете ги во цврст снег.
Во сад измешајте ги кокосот и растопеното чоколадо, а потоа додајте ги изматените белки.
Убаво измешајте за да се соедини смесата.
Во правоаголен силиконски калап нанесете половина од смесата.
Одозгора нанесете го мармаладот и покријте со останатата половина од смесата.
Израмнете убаво и оставете во фрижидер да отстои неколку часа.
Откако убаво ќе се стегне исечете на коцки и послужете.