Погачки со ленено семе
Состојки
- 500гр брашно
- 3 лажици мелено ленено семе
- 250гр млеко
- 1 свеж (40гр) квасец
- 100мл зејтин
- 150гр маргарин
- 1 лажица сол
- 2 лажици шеќер
Подготовка
Квасецот се става во топло млеко и шеќер и се остава да стаса. Со стасаниот квасец се замесува тесто од брашното, лененото семе, солта и зејтинот и се остава да стаса-да се одмори.
Од стасаното тесто се зема во рака се формира погачка и се редат во подмачкан плех. На секоја погачка се засекува по 2-3 цртички и над секое парче се става маргарин. Стасани погачките се печат околу 30 минути на 180 степени. Тестото е многу вкусно со мирис на лен, а и бојата станува како да се од интегрално брашно.