Пилешки ражничи со павлака и мед
Состојки
- 1кг пилешки гради
- 4 големи лажици павлака
- 3 лажици мед
- 1 лажица доматно пире
- 1 помала главица кромид
- 6 чешниња лук
- Сол и бибер по вкус
- зејтин
- Чили сос или чили во прав по желба
Подготовка
Ставете ги павлаката, медот, доматното пире, лукот и кромидот во блендер и блендирајте додека не добиете хомогена смеса. Додадете сол и бибер по вкус. По желба додатете чили сос или чили во прав.
Пилешкото исецкајте го на коцки. Смесата од блендерот со пилешкото ставете ја во подлабок сад и оставете ја во фрижидер околу 3 часа.
Во меѓувреме, доколку користите дрвени стапчиња за ражничи оставете ги да покиснат во вода 30тина мин.
Извадете го месото од фрижидер и спремете ги ражничињата така што ќе оставите малку простор (3-4мм) помеѓу секое парче месо.
Загрејте ја грил тавата или скарата и попрскајте ја со зејтин. Попрскајте ги ражничињата со сол и печете од сите страни.
Доколку не сакате сите ражничиња да се лути, откако ќе ги спремите за печење, попрскајте само неколку со чили во прав.