Ладна салата од ориз
Состојки
- 250 гр интегрален ориз
- 1 морков
- 50 гр црни маслинки
- 50 гр зелени маслинки
- 70 гр кисели краставички
- 70 гр печурки
- 70 гр грашок
- 90 гр шунка или печеница
- 90 гр кашкавал
- 3 лажици пченка
- 1 среден црвен патлиџан
- по вкус сол и маслиново масло
- 1 варено јајце за декорација
Подготовка
Оризот ставете го да вари во зовриена и посолена вода додека омекне. Потоа исцедете го и исплакнете го со ладна вода. Ставете го во еден сад.
Морковот сварете го да омекне и исецкајте го на ситни коцки.
Исецкајте го кашкавалот, шунката и преостанатиот зеленчук и додајте ги во оризот. Додајте ја пченката, грашокот, сол и масло по вкус.
Убаво измешајте, покријте ја со проѕирна фолија иставете ја во фрижидер убаво да се разлади.
Послужете ја како ладно предјадење или како лесен самостоен оброк.