Слатки кошнички со ванила крем и шумско овошје
Состојки
- тесто
- 100гр маргарин
- 1 јајце
- 1 ванила
- 50гр шеќер
- 280-320гр брашно
- 2лажици млеко
- 1/4лажиче пециво
- 1лажиче кора од лимон
- ванила крем
- 550мл млеко
- 3лажици шеќер
- 2 пудинзи со вкус на ванила
- 80 гр бело чоколадо
- 20 гр путер
- сос од шумско овошје
- 2-3лажици кристал шеќер
- 70 мл бело младо вино- божоле
- 200 гр мешано шумско овошје
Подготовка
Најпрво во вангличка се соединуваат сите состојки за тесто.
Треба да биде средно меко.
Се покрива со најлонска фолија и стои во фрижидер 15 минути.
За ванила крем се соединуваат во една касерола млекото, шеќерот, пудингот и се варат до згуснување.
Додека е топло се додаваат чоколадото и путерот и убаво се промешува.
За сосот од шумско овошје - во мала касерола се става шеќерот да се карамелизира.
Се додаваат виното и овошјето.
На тивко се вари 10 минути.
Сега тестото се дели на 8-10 топчиња.
Од секое се прави мала коричка и се обложува металното калапче.
Се ставаат во рерна и се печат 20 минути.
Внимателно кошничките се вадат од калапчињата, се полнат со ванила кремот и сосот од шумско овошје.
Уживајте.