Турлитава со јајца
Состојки
- 1 конзерва месен нарезак
- 2 чешниња лук
- 1 главица кромид
- 5-6 компири
- 1 морков
- 1 модар патлиџан
- 2 домати
- 250гр. печурки
- 2-3 јајца
- 100мл кисела павлака
- 1-2 пиперки
Подготовка
Кромидот, пиперката и морковот ги сецкаме и ги пржиме. Доматите исто ги сечиме на ситно и ги додаваме да се пржат. Компирите и модрите ги сечиме на кругови.
Го додаваме и месниот нарезак задно со ситно исецканиот лук и печурките.
Зачинуваме.
Во намрсена тава прво ставаме ред компири и врз нив ја редиме смесата со месниот нарезак. Врз смеата ставаме ред од круговите модар патлиџан и пак компири. Налеваме вода и ставаме да се пече. Пред да биде готово, ги мешаме јајцата со павлаката и ја полеваме турлитавата. Оставаме уште малку да се попржи додека не зарумени.
Инаку ова така како експеримент го пробав, досега не сум ставала јајца и павлака, ама вкусно излезе.