Љубовни коцки
Состојки
- тесто
- 4 јајца
- 100 гр шеќер во прав
- 150 гр маргарин
- 2 лажици какао
- 1 пециво
- 3 лажици брашно
- 150 гр мелени лешници
- фил
- 200 гр мармалад од праски
- 150 гр мелени лешници
- 150 гр шеќер во прав
- 1 кесичка ванилин шеќер
- 100 мл рум
- глазура
- 200 гр чоколадо за готвење
- 4 лажици масло
Подготовка
Започнуваме со подготовка на тестото. Се делат белките од жолчките. Ги матиме белките со миксер додека да добиеме цврст снег. Во садот со жолчки го додаваме омекнатиот маргарин и шеќер во прав и матиме со миксер додека смесата не стане пенеста. Во добиената смеса со жолчки ги додаваме башното, мелените лешници, пецивото, какаото и изматените белки. Мешаме со лажица додека да добиеме еднолична смеса и ја истураме во плех за печење. Печеме 25-30 минути на 180 степени.
Во меѓувреме се подготвува филот. Во сад на страна се мешаат 150 гр мелени лешници, шеќер во прав, ванилин шеќер и рум.
Испеченото тесто се премачкува со мармаладот од праски и врз него се нанесува смесата со лешници.
Во друг сад на оган се топи 200 гр чоколадо со 4 лажици масло и се истура врз филот од ореви. Се остава колачот да стегне во фрижидер. Потоа се сече на коцки кои по желба се декорираат со изматена шлаг пена