Роденденска торта за Томислав- Јубилеен 200ти рецепт
Состојки
- 1 тесто
- 4 јајца
- 4 лажици шеќер
- 2 лажици брашно
- 1 лажица какао
- 4 лажици мелен лешник
- 2 тесто
- 5 белки
- 5 лажици шеќер
- 2 лажици брашно
- 5 лажици мелен лешник
- 3 тесто
- 4 јајца
- 4 лажици шеќер
- 2 лажици брашно
- 2 лажици мелени бисквити
- 1 лажица мелен бадем
- 1 лажица какао
- фил 1
- 150 мл млеко
- 4 лажици шеќер
- 200-250гр мелен орев
- 200гр црно чоколадо
- 150 гр путер
- 5 жолчки
- 4 лажици шеќер
- фил 2
- 100гр црно чоколадо
- 150 гр црн еурокрем, 50гр путер
- 1 пудинг со вкус на лешник
- 250 мл млеко
- 2 лажици шеќер
- 60 гр крупно мелен потпечен
- 60гр крупно мелен потпечен лешник
- 60 гр крупно мелен потпечен орев
- фил 3
- 1 кесе грчки фил
- 400 мл ладно млеко
- за декорација
- 2 кеси чоколаден шлаг
- 200гр фондан
- 30 бисерни бомбони
Подготовка
Драги Мои рецепти, мои пријатели
Задоволство ми е да бидам дел од оваа дружба, во која споделуваме, учиме, се надополнуваме во тајните на кујната.
Голем поздрав до сите членови на оваа страна, до целиот тим на Мои рецепти, до посетителите на оваа страна...
Еве го и мојот 200 -ти рецепт, кој беше и роденденска торта на мојот помал 18 годишен син, по негов вкус- комбинација на чоколадо - лешник.
Измислена торта со 3 теста и 3 фила.
Превкусна е.
Најпрво на вообичаен начин се прават сите 3 теста.
Мој совет до сите млади домаќинки, од кога ќе ги изматите белките (јајцата) со шеќерот, сите останати состојки кога ги додавате промешајте со лажица од горе на долу како не би излегол воздухот од пенливото тесто. (не со миксер)
За првото тесто се матата јајцата со шеќерот, па се додаваат останатите состојки.
Убаво сето се промешува и се печи во правоаголна тава на Делимано.
За второто тесто се матат белките со шеќерот, се додават останатите состојки и се печи тесто во истата тава на Делимано.
За третото тесто се матат јајцата со шеќерот, се додаваат останатите состојки и се печи во истата тава.
за фил 1 во мала касерола на оган се ставаат млекото, шеќерот да провријаат, па се додаваат мелените ореви. Додека е топло се додава и чоколадото да се растопи.
Во сад над пареа се матат жолчките со шеќерот до згуснување.
Се мати путерот.
Сите овие делови се соединуваат.
За вториот фил прво се вари пудингот со млекото и шеќерот до згуснување.
Се додава чоколадото да се растопи, па еурокремот. Се додава изматениот путер, па оревите, бадемите, лешниците.
За третиот фил во сад за матење се истура готовиот крем и се додава 400 мл ладно млеко.
Се мати се додека не се згусни 2-3 минути.
До колку немате ваква крема може во замена да се направи сл. фил
500мл млеко, 5 лажици шеќер, 2 пудинзи со вкус на чоколадо, 50 гр црно чоколадо, 100 гр путер.
Филување
1тесто, 1 фил, 2 тесто, 2 фил, 3 тесто, 3 фил.
Цела торта се премачкува по страните со изматен шлаг и се декорира.
Се остава во фрижидер 2-3 часа да се спојат вкусовите.