Лосос во маринада и сос со лимета
Состојки
- 4 парчиња лосос
- 1 лимета
- 2 лажици маслиново масло
- по вкус сол, бибер
- За сос
- 200 гр. цврст јогурт
- 50 гр. мајонез
- 1/2 лажичка мелена куркума
- 1/2 лимета (сок и рендана кора)
- по вкус мелен бел бибер
- 2-3 лажици сецкан магдонос
Подготовка
Едноставен брз, а вкусен начин на спремање на лососот. Лиметата во маринадата и во сосот му дава посебен шмек.
1. Зачинете го лососот со сол, бибер или друг зачин по вкус. Додадете маслиново масло и сокот од лимета и оставете го лососот околу 1 час да се маринира. Потоа испечете го во рерна или на грил тава.
2. За сосот едноставно измешајте ги сите состојки со лажица и послужете го со лососот.