Погачици со сланина и кашкавал
Состојки
- 400гр. брашно
- 25гр. свеж квасец
- 100мл. масло
- 100мл. млеко
- 100мл. вода
- 1 жолчка
- 1 лажичка шеќер
- 120гр. чадена сланина
- 120гр. кашкавал
- За премачкување
- 1 белка
- За посипување
- по потреба пармезан, ленено семе
Подготовка
Стоплете ги млекото и водата.
Додајте го шеќерот и квасецот и оставете малку да стаса.
Во подлабок сад ставете го брашното, па додајте го стасаниот квасец, маслото, жолчката и прстофат сол.
Почнете со месење.
Откако тестото ќе се умеси додајте го ренданиот кашкавал и ситните парчиња сланина претходно пропржени и исцедени од вишокот мрснотијта(пржете ја сланината без додавање на масло).
Месете уште малку додека се соединат убаво сланината и кашкавалот.
Покријте го тестото со крпа и оставете да стаса.
Стасаното тесто развлечете го во кора околу 1цм дебелина и со чаша вадете кругови.
Наредете ги во плех обложен со хартија за печење, премачкајте ги со белка и посипете со пармезан и ленено семе.
Оставете ги да стасаат уште малку(15-тина минути) додека се загрее рерната на 180 степени.
Печете додека заруменат.
Со чаша јогурт или кисело млеко ќе имате вкусен појадок.
На здравје!