Видео рецепт: Гиро а ла Фичо
Состојки
- За ГИРОТО ќе ви треба:
- 1,5 килограм месо: свински пафлак, свинска удина и обезкостени батаци
- 200 гр. сланина
- За ЗАЧИН ЗА ГИРО ќе ви треба:
- сол, бибер, оригано, црвен пипер и кумин
- Дополнително ќе ви треба:
- 1 кг. компири
- гиро пити
- маслиново масло
- малку сенф
- малку домати
- За ЅАЅИКИ сосот ќе ви треба:
- 200 гр. павлака
- малку мајонез
- малку лукче
- сол, бибер, копар
- неколку кисели краставички
Фичо ќе подготви Гиро по негов вкус. Кога станува збор за Гиро, може да биде само со свинско месо. Од телешко се нарекува Донер. Секогаш можете да ставите малку пилешко.
Подготовка
Чекор 1: Наредете го апаратот со месото, по еден ред од секој вид на месо се' додека има месо. Помеѓу секој ред ставете ги зачините.
Чекор 2: Компирот исечкајте го како за помфрит, ставете сол и бибер и ставете го во рерна да се пече на 200 степени.
Чекор 3: Гиро питите запечете ги на грил тавата со малку маслиново масло.
Чекор 4: Подгответе го и Sаѕики сосот. Лукчето ситно исецкајте го, изрендајте ги краставичките и измешајте ги сите состојки убаво да се соединат.
Чекор 5: Сервирајте порција Гиро, како што тоа го прави Фичо, или пак завиткајте го во питата.
СОВЕТ: Одберете помасен пафлак, само така Гирото ќе биде вкусно како што очекувате.