Полжавчиња од бело и ржано брашно со праз
Состојки
- 1/2 коцка пресен квасец
- 1 јајце
- 50 мл масло
- 250 мл млака вода
- 1/2лажиче шеќер
- 1/2лажиче сол
- 250гр бело брашно
- 250 гр ржано брашно
- фил
- 3-4 страка сецкан праз
- 2 јајца
- маслиново масло, сол, бибер
- 80 гр маргарин
Подготовка
Прво на загреано масло се пропржува сецканиот праз.
Се трга од оган да подизлади, па се додаваат јајцата и зачините.
Се промешува.
На страна во вангличка се ставаат млаката вода, квасец, шеќер и малку брашно.
Нека втасува 10 минути.
Потоа се додаваат останатите состојки.
Се замесува средно меко тесто.
се дели на 12 топчиња.
Секое се расукува во мала коричка.
6 корички се премачкуваат со маргарин.
Врз нив се става по 1 ненамачкана коричка.
Значи имаме на 6 места по 2 корички.
Од секое парче се сука елипсовидна форма, се става од филот и се витка ролатче, па полжавче,
Се редат во плех, на секое парче се става по 10 гр маргарин, киснат 15 минути и се печат 30 м на 200 степени.