Летна манџа
Состојки
- 5 поголеми зелени пиперки
- 300 гр домати
- 3 јајца
- 100 гр сирење
- малку масло за пржење
- по желба магдонос
Подготовка
Пиперките ги чистиме од семето и ги сецкаме на коцки, ги ставаме во тава на загреано масло да се пржат, кога ќе ја променат бојата, ги додаваме излупените и исецкани домати. Пржиме додека парчињата домати не се растопат и додека не се згусни убаво нивната течност. Потоа ги матиме јајца и ги истураме, пржиме на тивко, кога се готови јајцата го додаваме и сирењето искршено. За повеќе луѓе само дуплирајте ги состојките.
Добар апетит!