Раванија (потурено)
Состојки
- Тесто
- 4-5 јајца (во зависност од големината)
- 12 лажици шеќер
- 12 лажици пченичен гриз
- 12 лажици брашно
- 12 лажици млеко
- 12 лажици масло
- 1 прашак за печиво
- Шербет
- 3 шолји шеќер
- 4 шолји вода
- 2 ванилин шеќер
Подготовка
Ги матиме јајцата заедно со 12 лажици шеќер. Настрана во поголем сад ги мериме брашното, гризот и прашокот за печиво, ги промешуваме. Кога во јајцата нема повеќе гранули шеќер додаваме лажица по лажица 12 лажици млеко и 12 лажици масло. Потоа ја додаваме сувата смеса лажица по лажица. Целата смеса ја истураме во тава 38-40 и печеме во зависност од нашата релна додека е готово и има убава златно-карамел боја. Го оставаме да се лади.
Го подготвуваме шербетот во тенчере на оган ги ставаме водата, шеќерот и ванилиниот шеќер да зовријат и малку оставаме да поврие 5-10 мин. Тестото малку го боцкаме со чечкалица и потоа со кутлача потураме постепено и внимателно да не ни се излупи кората. Се јаде ладно.
Добар апетит!