Колач со праски
Состојки
- 3 јајца
- 250 гр шеќер
- 400 мл млеко
- 150 мл масло
- 300 гр брашно
- 1 прашок за пециво
- 2 ванилин шеќер
- Прелив
- 1 литар вода
- 400 гр шеќер
- 4 праски со деллива коска
- 2 прашок за пудинг од ванила
Подготовка
Кога го пробав овој колач кај Биле, останав фасцинирана од неговиот вкус и морав да си го направам и дома. Иако не сакам многу колачи со овошје, овој е исклучок. Едноставен, но многу вкусен.
Најпрво убаво и густо се бијат јајцата со шеќерот и ванилите. Потоа се додаваат течните состојки и на крај сувите.
Смесата се става во подмачкана и побрашнета тава 25х35 и се печи на 165С.
За тоа време, праските се лупат и се сечат на долгунести парчиња.
Во тенџере на оган се става водата и шеќерот да се варат со повремено мешање, додека шеќерот се стопи. Потоа се додаваат парчињата праски и се остава да врие додека не омекнат, но се внимава да не се преварат и потоа да се распаѓаат. Совет-одберете здрави праски, не презреани.
Кога ќе се сварат праските, се вадат со решеткаста лажица на страна, а во водата се додаваат пудинзите предходно растворени со малку вода. Со непрекинато мешање се вари 2-3 минути, па се трга од рингла. Врз паднишпанот се редат парчињата праска (се внимава одприлика на секоја сечена коцка да има по 2 парчиња овошје) и потоа се прелива со сварениот пудинг. Колачот се остава неколку часа добро да излади и филот да се здрви, па се служи.