Испечати

Видео рецепт: Роловано пилешко со тиквички и кашкавал

Видео рецепт: Роловано пилешко со тиквички и кашкавал

Состојки

  • 700 гр. (4 парчиња) пилешки стек
  • 1 поголема тиквичка
  • 1 кромид
  • 100 гр. мек кашкавал (или Моцарела)
  • 200 гр. димено каре
  • зачини, магдонос, сол и бибер
  • За ПОХУВАЊЕ ќе ви треба:
  • 2 јајца
  • 100 гр. лебни трошки
  • 50 гр. бадеми
  • За СОС ќе ви треба:
  • 125 гр. сечкани печурки
  • 500 гр. димено каре
  • 125 мл. неутрална павлака
  • магдонос, оригано и мешан зачин

Денес ќе готвиме заедно со Маја, готвач член на нашата веб-страница. Маја ќе подготви еден од нејзините најпопуларни рецепти, Роловано пилешко со тиквички и кашкавал.

Вкусен ролат од пилешки стек, полнет со фил од тиквички и кашкавал. За комплетен оброк, го дополнивме со сос од печурки, димено месо и зачини.

Подготовка

Чекор 1: Стековите исчукајте ги убаво од двете страни и зачинете ги.

За подготовка на филот најпрво исечкајте ги ситно тиквичката, кромидот месото и кашкавалот. Потоа пропржете ги во тава, за да се спојат вкусовите.

Чекор 2: Исечкајте бадеми и измешајте ги со презлата.

Секој стек наполнете го со филот, замотајте го и зацврстете го со помош на чепкалки. Потоа, извалкајте го во јајце, па во презлата со бадеми и наредете ги во тавата за печење. Печете ги 15 минути на 200 степени, па 15 минути на 180 степени.

Чекор 3: Додека месото се пече, пригответе го сосот. Печурките и дименото каре ситно исечкајте ги, запржете ги, па додадете ја павлаката за готвење. Промешајте и додадете ги зачините. Гответе го кратко додека да се згусне.

Чекор 4: Сервирајте го секое парче пилешки ролат на чинија, со сосот од страна.

СОВЕТ: Оваа комбинација на ролат од месо и сос се надополнува одлично, па сигурно ќе сакате да ја подготвите за вашиот семеен ручек.