Видео рецепт: Вртена Мусака
Состојки
- 4 тиквички
- 1 кромид
- 2 чешниња лук
- 3 модри патлиџани
- 4 компири
- 4 патлиџани
- 600 гр. мелено месо (јагнешко, свинско и телешко)
- малку путер и маслиново масло
- 2 раце рендан кашкавал
- 3 јајца
- малку јогурт
- сол, бибер, ким и чили
Веруваме дека сите знаете да направите Мусака. Фичо ќе ни покаже малку покреативен начин на редење на Мусаката.
Подготовка
Чекор 1: Исечете го на кругчиња зеленчукот, како што го прави тоа Фичо во видеото.
Округлото тавче намачкајте го со путер и сечете ленти од тиквичката со ноже за лупење. Лентите постелете ги во тавчето.
Чекор 2: Во тавата за пржење ставете малку маслиново масло и путер и оставете да се загрее, па додадете го меленото месо да се пржи.
Чекор 3: Во тенџере пропржете го ситно сецканиот кромид, 1 рендан морков и две ситно сецкани лукчиња. Од како ќе зарумени, додадете го меленото месо и 3-4 лажици кечап. Зачинете со чили, сол, црн бибер и малку ким. Тргнете го малку на страна да се подолади, па додадете го ренданиот кашкавал. Промешајте да се спојат месото и кашкавалот.
Чекор 4: Наредете го месото врз тиквичките и посипете една рака рендан кашкавал врз месото. На дрвена даска наредете ги зеленчуците во кули, а потоа врз месото наредете ги како полжав и покријте ја тавата со фолија.
Чекор 5: Печете на 200 степени околу 15 минути, потоа уште 40 минути без фолија. Потоа прелијте ја мусаката со трите јајца изматени со малку јогурт, сол и бибер. Вратете ја мусаката да се допече уште 30 минути без фолија. Мусаката е готова.
СОВЕТ: Количината на зеленчукот што ќе го употребите за горниот слој на Мусаката зависи и од големината на самите парчиња зеленчук!