Ванилици во летен мотив
Состојки
- 600 гр брашно
- 280 гр шеќер
- 100 гр маргарин
- 100 гр маст
- 4 лажици кисела павлака
- 2 јајца
- 2 пак. ванилин шеќер
- 1 пак. прашок за пециво
Подготовка
Од сите состојки се меси глатко тесто и се остава во фрижидер 1 час.
Потоа тестото се развлекува на набрашнета работна површина и се вадат форми со калапче по желба.
Се печат на 180С 5-6 минути, при што се внимава да останат бели.
Кратко време после печење се оставаат да изладат, па се вадат од плехот.
Во зависност од формата и желбата се лепат со мармалад и се посипуваат со шеќер во прав.
Можат долго да стојат во добро затворена кутија за колачи. Колку повеќе стојат, толку се помеки и повкусни за јадење.