Испечати

Колач со диња и праски во тава

Колач со диња и праски во тава

Состојки

  • 375гр. брашно
  • 60мл. масло
  • 3 јајца
  • 120гр. шеќер
  • 250мл. овошен јогурт од диња
  • 1 пециво
  • 1 праска (нектаринка)
  • 130гр. диња
  • 6 ливчиња свежа мента
  • по потреба путер (за премачкување на тавата)
  • За декорација
  • 2 праски(нектаринки)
  • 150гр. диња

Подготовка

Изматете ги јајцата со шеќерот.
Потоа додајте го овошниот јогурт и маслото и кратко проматете.
Додавајте го постепено брашното измешано со пецивото и мешајте со жица за да не останат грутчиња.
На крај додајте ја ситно исецканата мента, праската и дињата исечени на коцки.
Измешајте убаво со лажица.

Тавата(нелеплива) во која ќе се подготвува колачот убаво премачкајте ја со путер и ставете ја да се загрее.
Нанесете ја смесата и со лажица оформете ја (се гледа на дополнителните фотографии).
Покријте ја тавата со капак и намалете го оганот на најтивко.
После 30 -35 минути тргнете го капакот и со помош на плиток сад (помал од тавата во која е колачот) првевртете го колачот и пак вратете го во тавата да се запече и од другата страна, околу 10-15 минути, секогаш огнот нека ви биде на најтивко и тавата покриена со капак.

Вака подготвениот колач оставете го да се олади и декорирајте го со кришки од праска и коцки диња.

Забелешка
Ќе напомнам уште еднаш дека треба многу да се внимава на јачината на огнот и повремено проверувајте го колачот бидејќи зависно на каква рингла го спремате не мора да значи дека секаде ќе бидат потребни 30 -35 минути за едната страна или 15 за другата, но сепак ако доволно ви е тивок оганот ова е приближното време за спремање на колачот.