Грчка салата со тостирано сирење
Состојки
- 1 краставица
- 3 домати
- 2 шери домата
- 1 црвен кромид
- 7-8 црни маслинки
- неколку гранчиња магдонос
- маслиново масло и сол по потреба
- 150 гр сирење
Подготовка
Ова е моја верзија на грчка салата односно грчка салата на македонски начин.
Зеленчукот го сечкаме на крупни парчиња, кромидот на тенки кругови, а магдоносот го оставаме во лист. Сирењето го сечеме на подебели парчиња и го ставаме на загреан тостер или грил тава, за да се потпече. Го сечкаме на помали парчиња, ама може да остане и на поголеми. Сите состојки ги ставаме во чинија ама не ги мешаме. Ставаме врз нив сол и маслиново масло.
Можете да користите било какво сирење. Јас претпочитам фета, ама оваа салата е правена со козјо сирење.