Пјадина со сланина
Состојки
- 3 готови пјадини
- 400гр. свежа сланина
- 9 помали листови марула
- 1 домат
- 1 помала краставица
- 2 млади кромидчиња
- неколку ливчиња нане
- Сос
- 300мл. цврст јогурт
- 1 лажица кисела павлака
- 1 лажичка пармезан
- 1 неполна лажичка копар
- 3 чешниња лук
- прстофат оригано
- по потреба сол, црн бибер
Подготовка
Најпрвин направете го сосот.
Во сад ставете го јогуртот, павлаката и пармезанот и убаво измешајте ги.
Додајте ги толченото лукче, копарот, ориганото, малку сол и црн бибер и се заедно измешајте.
Испржете ја сланината, оставете ја на кујнска хартија да се исцеди вишокот мрснотија, а потоа исечете ја на поголеми коцки.
Во нелеплива тава стоплете ги пјадините од двете страни(ако не можете да најдете и тортиљите ќе ви завршат работа).
На едната половина од секоја пјадина ставете малку од сосот и премачкајте.
Одозгора ставете по 3 листа марула, кругови домати, кругови краставица, сланина, сецкано младо кромидче и сецкано нане.
Пак нанесете од сосот и преклопете.
На здравје!